GTAO跳傘自爆船河死鬥團

又嚟大地圖幫會活動喇! 今次大家先來到洛聖都國際機場集合等泰坦號, 未齊人之先首先來返舖運兵海盜船先, 真係玩到有啲頭暈暈...




眾幫員call來三架泰坦號, 再來直升機, 目的就係想以直升機跳傘空降泰坦號, 就算空降失敗都唔緊要, 仲可以用血肉之軀擋泰坦, 認真節目豐富!






泰坦準備就緒, 首先起飛!






跳傘員在直升機內緊隨其後, 隨時準備出發!




兜咗一圈回到市區, 終於可以正式跳傘喇! 可惜最終任務唔成功, 直升機攬炒泰坦雙雙墮海, 失敗收場!




海難發生後, 救援行動迅速展開, 搞咗成晚, 之後大家就相約碼頭遊船河喇!




目標就係穿越小溪, 由阿拉莫海上游直出太平洋!




小艇相繼到達, 不過仲要等埋龜速的遊艇呢!




一路向西, 目的地就係荒島上演飄流記喇!




大家來到荒島, 先稍作休息...




1031本色, 得閒聚埋就會變成死鬥, 所以荒島死鬥正式展開!




難得搵到個地方唔會被通緝, 死後重生又會回到荒島, 所以大家都唔客氣喇! 大戰一觸即發!




荒島, 槍械, 迷彩, 煙霧, 絕對係最好feel既死鬥!




由朝打到晚仲未停, 彈藥唔使錢咩? 大家最後都係改為以拳頭的搏擊之戰, 我都係暫時避開一下, 隔岸觀火做下戰地記者好過...




最後就係演變成所有人成為紅點... 希望其他人唔好以為我地係殺戮幫會啦, 其實我地好熱愛和平架

GTAO 1031新年活動: 幫員團拜慶新春

過年活動又點少得拜年呢? 所以我哋就約埋成班幫友, 大家先在老地方改車王等, 之後齊齊出動逐家逐戶去拜年喇!




登登! 第一站先歡迎大家來我家拜年! 我屋企住响沙漠北面, 大家咁遠水路嚟到, 真係唔話得!




我家地方淺窄, 無乜娛樂, 大家圍埋一齊唯有睇吓電視吧!




坐夠就去參觀一下車庫吧! 呢個住宅只提供6車位車庫, 全部車都生晒鏽, 只因屋主實在太窮喇~




參觀完鄉下地區, 大家就坐車出返市區喇, 順便向途人派下利是, 人人有份永不落空!




出到市區, 來到另一幫員的家, 有錢人果然唔同啲, 間屋夠大終於可以開P喇!




狂野派對, 飲下酒high下草, wing wing哋過新年, 幾爽!




來到另一邊廂, 又來參觀一下另一design既高尚住宅!




人哋屋企廁所都唔放過, 繼續開P!




再來就係歡樂滿東華時間, 睇睇浴室總共可以企幾多人? 大家行入啲! 盛惠8個!




屋企玩夠就到參觀車庫, 大家排好隊準備搭電梯喇!




來到人地的車庫, 梗係要同自己的互相比較一下, 順便搞下事先啦!




呢位幫員就鍾愛黑色系列...




呢位就又金又銀咁款...




呢位就五顏六色, 梗係好鍾意食糖喇!




齋睇唔夠既, 要搞下事先至係1031本色既!




又嚟歡樂滿東華環節喇, 今次超跑又可以企幾多人呢



參觀完各人屋企, 又有利是收, 又有party開, 仲行埋大運, 今年既新年活動正式完結喇! 再一次祝大家新年快樂!

GTAO 1031新年活動: 新春死鬥行大運

年初三約埋幫友, 在洛聖都行個大運, 喻意新一年行好運之餘, 加埋死鬥聯絡感情, 就係今次活動: 新春死鬥行大運!

活動開始, 首先開個機車競速場, 齊齊準備環繞洛聖都一圈!




機車行大運實在太普通啦, 所以今次選擇了GTA模式的競速, 大家齊齊落車, 來到前面的火車站集合!




等咗唔夠兩分鐘, 火車到站喇! 大家齊齊上火車, 一於以火車圍繞一圈來行個大運!




一開始大家都好規矩咁响火車上面欣賞風景...




唔使幾耐, 大家已經按捺不住, 要開始死鬥喇!




死鬥係只限拳頭的搏擊戰, 大家準備受死吧!




列車不等人, 不幸死亡或者跌出車外, 就要靠自己努力返回列車上喇!




車內車外都死傷無數...




有幫員似乎想以血肉之軀抵擋火車, 當然無可能啦, superman咩? 洛聖都火車無論遇到任何攻擊, 就算司機死亡仍會繼續行駛, 是真真正正的死亡列車!




唔想死鬥, 都可以坐低休息一下, 好好的欣賞一下風景! 不過似乎落雨喎, 如何避雨呢?




經過約半小時車程, 終於順利地以火車圍繞洛聖都一圈, 回到起點火車站喇!  大家快點跑到終點避雨啦!



行完大運, 大家又回到現實中, 開開心心迎新年喇!