第五天活動: 海陸空豪華觀光團
今日係五天活動入面既最後一日, 經過了四天的活動, 今日作為壓軸, 一定要將最好既觀光項目送俾大家! 活動之先, 大家如常地在老地方改車王集合, 之後就步行到附近地鐵站入口, 影返張大合照就出發喇!
南瓜們實在太熱愛死鬥喇, 正想影多一張, 已經變成流血收場...
無限死鬥無限復活之後, 終於可以開始行程喇! 第一站就係搭地鐵, 各位團友們耐心等候地鐵中, 列車未到站仲可以响路軌度跳返part舞先~
到站喇, 大家乖乖上車, 目的地就係洛聖都國際機場!
好地地有車唔開, 做乜要選擇花咁多時間搭地鐵呢? 今次觀光團既目的, 就係想大家放慢腳步, 以平常唔會利用的方法欣賞一下洛聖都, 你睇大家相擁在同一車廂中幾咁溫馨呢
到達機場, 有空軍一號等緊我地, 接送各位到下一個目的地, 展開空中之旅~
目的地就係東面小海灣的山洞! 軍機來到附近上空, 大家可以自由地選擇進入山洞的方法, 有的跳傘、有的坐船或者以直升機空降, 甚至有游水的! 總之大家enjoy就得喇!
終於人齊到達山洞喇, 上岸影返張大合照先啦! 不過睇落其實有啲似遇難多過去旅行噃
小海灣附近的發電站, 對開就有火車站喇, 善良的火車仲會罕有地停低等大家上車添! 大家一於齊齊坐火車回到市區啦!
火車會一直不停站往返市區同沙漠, 我哋想以大眾運輸由沙漠回到改車王, 所以到咗市區就要中途跳車, 然後到附近地鐵站再搭一程地鐵回程喇! 今次換上一個地面的鐵路站, 大家又在狂野等車中...
終於成功上到車回程, 大家都攰喇, 坐低休息一下吧~
同場加映美女與野獸三隻, 但野獸們實在玩得太攰喇, 美女經過都無動於衷
最後各人回到改車王, 順利地以海陸空方式作環島觀光之旅! 正當想召集大家在改車王內影返張結束的大合照, 眾人已經急不及待要開始死鬥喇! 一個完美的死鬥, 就為五晚的觀光團活動劃上了完美的句號
