1031活動分享: 駕著心愛的開蓬車, 晚上齊齊出動找真愛, 1031召妓團出動!
活動以先, 大家先齊集改車王, 將自己部開蓬車改返靚靚先可以吸引真愛嘛!
黃昏喇, 活動正式開始! 不過大家咪行住, 先影張大合照, 再浩浩蕩蕩出發!
先出發各自搵食, 再齊齊集合共同享用, 呢啲先至係團隊精神嘛~
錢係唔慳得既, 想好好享受就要俾貴少少喇~
大家都忙緊, 請勿打擾~
玩到天光, 係時候要轉場喇, 入到夜總會諗住搵囡囡做身體檢查, 順便交換電話啦, 點知有幫員唔生性開鎗嚇走晒店入面既人, 無得身體檢查, 唯有入舞池自high一下啦~
玩得咁上下, 又係時間轉場喇, 聽講附近開咗個新場喎, 不過入場就有少少難度... 大家唔好爭啦, 排隊入場呀!
一輪混亂後終於入到場, 不過仍有幫員在苦等中...
入去參觀一下先, 順手攞幾支酒飲下~
仲可以響舞池自high~~
齊齊跳返part舞先!
食煙飲酒講粗口, 齊齊high爆!
終於飲到wing咗... 是晚活動就此完結~
今次來分享一下1031突發活動: 鐵人觀光團
話明鐵人觀光團, 觀光的內容就係要以鐵人賽方式進行啦! 但係響大地圖玩未必可以滿足到我地既需求, 所以開個日不落既競速賽道, 一邊比賽一邊曬太陽觀光, 咁就夠晒過癮喇!
競速係單車賽以GTA mode進行, 咁就可以隨時落車做鐵人喇! 開波就首先齊齊衝落水先啦!
游呀游, 禁壞手制都未去到對面岸既黃點, 咁先至係鐵人賽嘛~
上咗岸之後就變咗鐵人第二part既單車項目喇, 由山腳踩到上山頂集合, 前面既人兄竟然嫌未夠鐵人要跑上山, 佩服佩服...
觀光團活動之一就係要等齊人, 於是等人途中就由競速賽變成死鬥場喇...
差不多人齊就要准備齊齊跳傘落山喇, 可惜由於安排失當, 大家都跳傘失敗, 焗住踩單車碌落山...
各自碌落山, 死過無限次, 就約好响碼頭集合, 到咗等人既時間喇, 又來死鬥?!
話明觀光團, 等齊人就梗係要照團體大合照啦! 競速場仲得閒嚟合照, 今次都係第一次
合照完畢, 又嚟到鐵人賽既最後一part跑步喇! 由於有人犯規開車, 仲要自爆擋路, 所以好好的一個競速場又變成死鬥場喇
由於鐵人賽實在太辛苦, 大家都開車逃亡, 只留下我孤單一個繼續在跑呀跑...
經過一小時的狂禁手制訓練, 終於見到終點喇! 雖然跑第尾, 但總算齊齊完成賽道, 鐵人觀光團就此完結! 
今次活動將一個競速場變成一次觀光團, 都算係一個幾新鮮既嘗試, 開心之餘帶點自虐加失控, 就係1031既精神喇!
今日睇中既旬盤就係呢個 --> http://rsg.ms/cf959c3
睇張圖都知有幾變態... 不過bookmark咗就要試下先~
為免太過變態, 同幫員一齊玩之前, 都係自己試一次場先...
其實係一個只限行李搬運車既危險賽道...
呢個就係最常見既畫面喇...
上到去盡頭, 就係風光無限好喇!
但賽事仲未完, 又要跳樓, 好完地降落在樓頂的黃點...
果然係行李搬運車, 落地要幫手搬行李的嗎?
去到搭地鐵, 就係成功咗喇!!
咁好玩既賽道, 梗係要同幫員開心share啦!
大家要排隊呀, 唔好撞人落街...
可惜到最後, 我都係未完賽既
1031宗旨: 最緊要玩得開心! 仲有大把變態playlist等緊大家, 冒住玩完會嚇到幫員退會既危險, 都要照玩!
幫員呢排愛上玩自製playlist, 專玩超高難度競速, 仲要唔夠刺激唔收貨, 賽道越玩越變態, 大家每晚最大既樂趣就係睇人點完賽同埋睇人點死... 一班人圍埋一齊玩不可能的任務, 都總好過大地圖打打殺殺吖!
GTA mode賽道, 游水單車跑步的三項鐵人的耐力賽, 玩到唔禁壞手制都不罷休!
賽道成為自殺勝地... 贏咗賺既錢都唔夠cover死咗跌嗰啲...
水底開賽, 我真係見識少未試過...
終點近在眼前... 但遊完一晚花園都未去到...
變態單車賽道, 當然少不了!
一場玩成差唔多30分鐘, 終於都望到終點喇... 唔使未完賽已經算係贏咗
最後有1031節目預告, 就係「特種部隊選拔賽」!
經過選拔賽, 將會選出武鬥派以及競速派兩大派別, 作為1031的實力指標!
各位新年快樂! 迎接2015來臨, 我哋一眾宅仔們梗係留響屋企, 拎住手制齊齊倒數啦! 昨晚一眾幫員圍埋一齊, 齊齊以幫會場去舊迎新, 過咗一過好開心的大除夕!
倒數未開始, 仲有成個鐘, 難得GTA又再有雪地咁應節, 一於嚟場雪球大戰先啦!
玩得咁上下, 見仲有15分鐘就到12點喇, 嗱嗱聲召集各幫會上山頂鑬車站, 齊齊預備倒數啦!
見又未夠鐘又未齊人, 不如放吓火打發時間啦, 死傷少不免, 復活咗齊齊整整過新年就得喇!
終於等到12點喇, 齊齊倒數, 放煙花興祝! 自己有份放, 點都好睇過維港煙花啦!
放完煙花, 又係時候開始迎新年活動喇, 大家齊齊集合啦! 小姐你無上裝好養眼喎, 搞到我唔記得咗下一個節目玩乜添
天黑等到日出, 終於等齊埋碌晒落山既幫員, 大家排好隊, 我哋準備跳傘喇!
2015年第一個集體活動, 齊齊跳降傘! 如此美麗的畫面, 希望喻意新一年都係咁美好!
最後降落在荒島, 來一場荒島雪球大混戰! 大家過咗一個好enjoy的晚上, 對我嚟講, 同幫員齊齊倒數, 比去time sqaure老蘭開心100倍呢~
